pickthebest

如何請守時及盡責的 Part time Promoter?

直接請過超過 400 個 Part time後,都可以大膽講你遇到的問題,我應該都遇過﹕

  • 臨時甩底,借口多到難以想像,或根本不會出現
  • 做Promoter,但唔做足準備,被客人問到口啞啞
  • 因為覺得自己唔鐘意工作環境,工作途中走人
  • 遲到,活動開始 30 分鐘還未出現

後生仔怕悶,所以流失率相較來說較高是絕對可以理解的。

近日去不同的展覽原來已經有不同的平台可以俾人揾兼職,基本上要「揾到」應該不難,最難的是揾到態度好,能力高的。

你知道請一個好的 Part time 要多少時間嗎?

除非有熟人主動介紹,否則,請一至兩個合適的 Part time 可以兩個星期都請唔到。

當你落請人廣告之後,的確會有反應,可能會有人致電或傳他的 CV 給負責同事......

但約見工用的時間多到你不能想像,因為會有人臨時改時間、臨時甩底

而就算按時見面的,質素非常參差,10個入面都未必可以揀到一個......

我要問的是﹕你公司有時間做這個繁複的動作嗎?

而我們就是為你找出最合適的 Part Time 進行推廣活動!

專業Part Time演員

經過一段時間後,發現面試時表現好的不等於工作的能力好,真係一個騙案。問心其實真係好難請啱人,成日同同事講﹕「好的Parttime真係撞彩撞番黎,所以要錫住。」

發掘兼職才能

好多人批評90後工作態度麻麻,其實點止90後,70或80後都會有態度好與壞的人,我覺得好多90後都想發揮自己的才能,好可惜呢d才能未必揾到錢,結果要同我打工。所以,我地已經專責揾左同事發掘,希望揾到寶石。

如果唔想浪費時間,直接找我們,你最少慳左 14 日,亦即 336 小時!

不同 Part time 應付不同崗位

如果你想揾 Part time,真的要留意工作性質是否跟 Part time的性格配合。

聽起來可能你會覺得匪夷所思,容我簡單解釋一下﹕

有部份 Part time 可能是很聰明,從談吐已經可以看出,如果你指派他們做派傳單、Data Entry,你會發覺流失率相對較高,主要原因是他們會覺得工作沈悶。

相反,一些較為靦腆的Part time,往往有些默默耕耘的特質,可能較易應付相對沉悶或重複的工作。

Save

Save︿十日竹