很多客人對 Facebook的成效不外有幾多個 「讚好」，我唔係話佢錯，只不過有部份資訊，就係唔會有人 「讚好」。可能各位都曾經有類似經歷，你看到一些資訊比較尷尬，自己好想睇但又不能告知別人。最簡單例子就是一些關於「性」的資訊，不妨坦白，小弟就算覺得寫得幾咁出色，圖片幾咁精采，最多只係會在 Whatsapps朋友組「些牙」，斷不會在有親朋戚友，老師的平台上公開自己的興趣吧。

做Facebook 行銷時遇到的問題﹕

1) 有好內容，但冇Like

2) 你有 Like，但冇生意

有好內容但冇「讚好」

會否是我們的 Ad copy寫得差呢?

我們有用 Tracking Link，知道了閱讀數量。大家可以估下以下 Facebook Feed 有多人按下連結嗎?

7 個 Like，0 Share 會有幾多人click?

我們估計是，很多人對比較敏感的病或資訊都只會做 CD-ROM (只閱)，以上關於「腎」的題目，如果俾人知道你睇左，你好難估計別人點睇你。

「唉，唔通你個腎有問題?」

就算真係有問題，又點會想俾人知呢?  除左「腎」，還有很多情況，瀏覽者注定不會「讚好」，如不育、生髮。

番回主題，最後有多少人 Click過，入過去網站呢?

答案是 ﹕276 (在只有 800幾個FANS，冇廣告的情況下，CTR係好高)

小弟用的是Google 一個免費服務，它可以幫助你知道連結點擊情況 – Google URL shortener

Google URL Shortener

除左令到條 LINK靚仔外，還即提供了很多資訊。例如﹕用戶瀏覽器、瀏覽來源等，基本上係一個簡單的 Webmaster 分析工具。

你有 Like，但冇生意

這個情況已經變得越來越普遍，好多公司盲目追求「Like」數，但忘記了其實「Like」的價值已經越來越低。大家有留意的話，現在出一貼，能見度越來越低，好多專家都觀察到這個現像，以前你有1000 Fans，可能會去到 3份1，但現在可能 6 份之 1 的 Fans 也沒有。

大家可能忘記了一點，Facebook 只是一個與你潛在顧客溝通的一個媒介，這裡的重點是「溝通」。其實大家有否想過與其在 Facebook 出 Post，為何不直接與顧客對話呢?

Facebook Messenger行銷

好多公司開始發現用 Messenger 的好處，除了可以自動化外，還可以直接建立客戶資料庫。

一般情況下，就算有人 Like左你的專頁，你都不可能直接對話，但現在 Facebook 已經開放這個功能了。

我最近由以往用電郵做資料庫變為用Messenger 做資料庫效果比我想像中好，較以前效果提升約 4倍。(有興趣可到以下文章下半部份參閱) 我覺得其中一個原因是User開始習慣用 Messenger收發資訊，令到訪客更易登記

Messenger 進階行銷用法

以上我模擬了Messenger 可以為一間美容院做的行銷方法，你見到主要Message有3個選項﹕

1. 致電給美容院
2. 到我推介給她看的文章
3. 連結到一條關於暗瘡的短片

大家有留意嗎?

其實每一個選擇已經在為各位分開訪客需求，第一個選項就是給買家的、第二及第三個選項就是替各位做 Segmentation，替你分開不同顧客的需要，關注逆轉年齡的跟關注暗瘡的有明顯的不同。如果之後你有治療暗瘡的優惠，你就可以把優惠給選項 3的人，你的廣告便會更為精準。

因此，不要為加 「Like」而忘記重點，你的目標應該是與顧客建立關係，現在利用 Messenger 作行銷的仍然只是小數目，快來把握領先優勢。