如果你的產品沒有 USP 怎麼辦? 4 個方法幫你快速建立你的 USP

Unique Selling Proposition (獨特的銷售主張) 相信好多人都會聽過,但不知道大家在找尋 USP 時有沒有難度呢? 為什麼你要有 Unique Selling Proposition ? 現在的資訊多到爆炸,你可能同一時間睇緊 Facebook Feed,然後又覆緊朋友 Whatsapps、突然 IG 又有 Notification,你的注意力一秒都可能冇,如果你要推銷你的產品或服務,要用幾10秒才說到重點的話,基本上都以說非常失敗。因此好好建構你的USP 非常必須,最好能夠「一句話賣出你的故事」,才可以令潛在客人牢牢記得你! 說實話,接觸 USP 這個詞語多年,但從未有認真思考自己生意的 USP,因為我自己都看不到自己公司的 SEO 跟其他公司 SEO 的分別。當然,大家的策略可能有點不同,但除非客人對 SEO 有一定認識,否則就算放大當中的技術,他們也只會當我公司是另一間 SEO 公司。 事實上如果你不能把自己公司跟其他同行區隔起來,顧客就沒有原因更喜歡你,你也永遠進入顧客的價錢預期區域! 沒有區隔的話,你的售價永遠有一個市場價,而這個市價九成九都是由龍頭公司控制? 你們有同樣的困擾嗎? 你找不找到你的 USP呢? 你是否也只是「另一間餐廳」、「另一間裝修公司」、「另一個瑜珈導師」,你是否想找一個更佳的宣傳點呢? 我自己都不停找自己的USP,為了找到自己的USP,我曾經用過以下的 USP,包括﹕ 出事最多次的 SEO 專家 香港唯一自己做過網賺的 SEO 專家 以上的 USP 其實好差,從吸引的顧客數量就已經知道這是一個失敗的USP。 大家知原因嗎? (我去到最後會再解釋) 如何找出你的 USP ? 研究了不同公司及專家的作法,以下集合了不同類型的一些方法,包括世界第一營銷管理大師 […]

一個做了網賺8年的自白

不少朋友都問過我網上創業點做好,賣什麼好,以下是我的小小個人經歷,總結了過去 8 年的經過。我開過網店、做過策略聯盟 (affiliate marketing)、做過 PPV,亦賣過課程。 希望各位可以花一點點時間閱讀,其實重點往往不是你賣什麼…… 「……就好似你原本打算游去一個美麗的小島,但你發覺越游越攰,而你根本睇唔到離小島究竟有幾遠,隻腳開始抽抽地……你會選擇回頭? 還是繼續游?」 望一望床頭個鐘,不經不覺已經凌晨 4 點,燈已經熄晒,我眼光光訓喺自己張床度,不知不覺地望住個霉霉地的天花板望左成3個幾鐘….. 夜闌人靜既晚上,間唔中聽到晨運老人家的細語,屋企人已經瞓晒,我喺度諗點樣可以賺到錢……但似乎呢個問題未解決到,我都難以入睡…… 再諗諗而家自己既財務狀況,真係愁上加愁…… 我真正體會到就黎破產個種恐懼…….存款一早清晒,可look既信用卡都look爆晒,基本上可用既錢已經用晒…… 但…..我唔敢同阿媽講﹕「我衰左了……」 故事的起源要數到2000年,我跟一般的中學生冇乜分別,每日番學打波打機,我不知道自己的人生目標,但我知道我更想做一個有用的人,要揾更多的錢! 我沒有什麼大夢想,只是可以等阿媽生活可以過得舒服一點,有錢請下佢去旅行…..當然自己都會想有閒錢去下旅行 果陣我得16-7歲住公屋,讀書成績都算唔錯既,好明確地知道自己唔太鐘意讀書,但我知唔讀書就要即時出黎做野; 為左唔咁早出黎做野,我唯有拼命都要上到中六七,但內心對「錢」既興趣其實遠大於讀書學習。 那年<<富爸爸 窮爸爸>>哩本書風靡全球大小書店,你問返我當時讀 7本<<富爸爸>>系列多定A-LEVEL多,我都唔知點答你。最後好好彩咁勉強入到大學,但讀果科都幾肯定唔會係自己將來要行既路。 睇完呢本書覺得呢個世界充滿希望,我要跟住哩本書去做: 就是建立資產,擁有被動收入,只要跟著做,財務自由應該不遠矣。其實我當時真心以為以上目標好易做到,結果事與願違! 我一路以為大學生會易揾錢好多,直至有一日做兼職時發覺旁邊年紀跟我多不多的銷售員月入竟然有 30,000,而當時的大學畢業生平均收入只得 12,000 元 (今日2017年,人工其實冇上升過,但購買力下跌了很多)….. 過左咁多年,我仲好記得第一日番工喺深水埗賣手提電話,就係企喺鴨寮街某一間好殘好霉既電話舖,有一刻真係好驚撞到熟人,尤其係朋友,如果真係撞到,我諗我真係會不顧一切咁調頭走。 你話我仲點會連主動走去搵客人問佢地: 「想要D咩丫,有咩可以幫到你?」 但奈何唔做就俾老闆捽,再無生意返就俾人小; 如果我問你俾人小定俾客仔拒絕,你會揀咩? 於是我就硬著頭皮獻出我既第一次=主動出擊去sell客。對住D手機資料,一見到客行埋黎起勢咁對住佢地讀,好似念波野波羅密心經咁幫佢地超渡,講到自己都唔知自己講乜。亦可能因為念經念得多,拜得神多自得神庇佑既緣故,最終果日俾我賣到兩部手機咁大把。 我心內有好多疑問﹕ 「讀大學黎做乜?」 「退學是否更好呢?」 最後我安份守紀完成學業,也沒有太多的行動去諗發達諗點揾錢了。畢業後,我都係穩打穩紮咁搵份工,傻傻更更咁去左電訊公司做客戶經理,其實咪又係做銷售員,只不過今次著西裝,好似威d咁囉。 一做就做左3年,由雄心壯志搵快錢做生意,點知越做越唔對路,錢又揾得唔多,做既野好似copy & paste咁千篇一律,越做越Hea,做到無晒鬥志。這個感覺我相信好多人都會有,你知道你應該可以做到更多,但現實似乎限制了你的發展。 正當我好徬徨唔知點算既之際,可能真係命運既安排,一日返工HEA 既時候行過一間書局,俾我見到一本叫作<<一周工作4小時,晉身新富貴族>>書。 淨係睇個書名: 一星期返4個鐘可以富貴,都已經吸引我所有既注意力,我即刻攞起本書睇成個幾鐘,越睇越興奮,睇到連返公司打卡都差d唔記得,最後當然買埋返屋企慢慢睇喇。 但其實最影響我的一件事…… 2008年雷曼事件 我其實冇錢買債券,雷曼事件一爆,全間公司人心惶惶,因為裁源的消息公佈了…… 我呢種小薯當然不是被裁的目標,但眼見資歷有番咁上下的上司、上上司情況,我體會到好多野都唔係可以自己控制,就算你好有經驗,就算你有幾叻…… 那種無力感不能用言語表達! 我在想,命運不在自己手上的感覺極之差,那種不安感令人窒息,我覺得我應該想方法避免以上情況發生。 由於呢件事令我知道要保障自己的方法,是時候開始自己的生意了。 其實我對做生意一d概念都無,漸漸地明白大部份傳統生意的起步都需要資金,像我哩種月光族 […]

[網賺秘密揭露]- 真希望我一開始就懂的事 – 74堂IM課

以下為一篇由12年前起做Internet Marketing及網上創業的人的分享,超過12,000人睇過,並獲得好多知名Internet Marketer 推介,原本放在Warrior Forum俾錢的section。 文內提及的不僅僅有關Internet Marketing,對於想創業,或剛起步的都十分有用 (原諒小弟語言能力不足,翻譯起來未必咁順暢) “Successful people do the things that unsuccessful people don’t want to do.” -Mike Litman (He repeated it 3 times to drive his point across). 我第一次在這個討論區要數到1999年,由這個論壇的擁有者寫的一本病毒式行銷報告吸引過來。 有幾年時間,我只是在瀏覽當中內容,並沒有太多資訊可以貢獻出來。這真是一個錯誤呢! 我在2001年辭去我本身的工作,我問自己一個問題 「為何我要浪費時間在一個討論區裏?」 Well,我要在一段時間後才明白 「如果你給予什麼,你才能得到什麼!」 當你問一個負面的問題時,你就會像我一樣得到一個負面的答案。直到2004年,我才正式登記成為會員。這個決定可以說是我所作最好的一個決定,因為我終於看到玻璃的另一面。 從那時開始,我看到人不停進進出出這個行業,不是一個小數量,有幾百去到幾千人。有些人繼續留在這裡,有些人已經放棄了。一段時間後,很多新加入的人好質疑夠竟邊個可信,我不怪責們,因為我曾是他們的一份子,我也一次又一次受到那些沒有道德的賣家欺騙。 我想說的是,如果我能夠成功,你們也能。如果你是剛剛進入這個行業,還未得到你想要的成功及財富,請讓我分享我在這12年所學的東西。我在這行業得到不少財富,我十分清楚,什麼會行得通,什麼不行。 我曾經歷過不同程度的成功與失敗,有不知多少個晚上,我整晚不能睡,因為我不知道明天又會有什麼麻煩事。儘管遇到這些失敗,成功最後也來到,而這些就是我現在要分享的…… ……我最近一單成功個案就是得到了一個千萬富翁的客戶,我去幫助他把他的生意由網下搬到網上。他們一直在那裏,如果你繼續閱讀下去,你會發覺好事會發生在你身上,而你也可以做到!!! 雖然我未曾試過為兩餐温飽擔心過,但我也曾失業,我的退休金帳戶被刪除,創新事業最後失敗,被我的Partner騙去所有的錢……很多的障礙,最後都一一跨過…… 經過很多辛勤的工作,最後我打破了一些迷思…… 以下就是那個 「如果我一開始就知道的那個……」 1) 你擁有比你想像中更多的能力 千萬不要被人影響。能力只不過是「有執行力」,我們每個人一早已經有這個能力。 你需要的只是決定使用這些能力。能力好似肌肉,你越多使用你的肌肉,你的能力就會越高。 科學已經證明這個理論,當你越常做某件事時,你腦內的神經元便越強大。 Ringo﹕在這個行業越耐,越發覺得成功與失敗的人分別是在行動力,好多人都係「睇完當做左」,但其實不論你要在Facebook做MKT或做SEO,你都係要不斷不停的行動。 2) 我真希望我剛開始時有人用搶指住我個頭 並跟我說 […]

與我聯絡