一位朋友的小公主剛出世，老婆為左小朋友辭掉了原本的正職，朋友老婆是愛狗之人，因些打算留在屋企照顧小朋友之餘，另外在網上賣一些狗隻的用品，用左兩萬元開左個Online Shop，坐左六位數字貨，打算好快可以銷晒所有存貨!
除了網上商店，他們也建立了一Facebook Page，諗住可以有多一個途徑宣傳!在剛成立網站時，由於身邊朋友的幫助，網站訪客及生意還是可以的，三個月過後，冇新的客人始終令佢地大為頭痛，
由於有小朋友的關係，用錢變得十分謹慎，好記得佢搖晒頭同我講:
「好彩一份工頂住，層樓又未供完……」…然後噴了一口煙……
他們在Facebook及 Google賣廣告，但燒錢速度著實太快，好快就超過他們的預算，然後停了廣告!
Facebook 係多左fans，但係對營業額沒大作用!
你可能以為我會推銷SEO 或打手俾佢地?
錯了，他們的預算真的太緊，緊得我都唔好意思做佢生意……去到呢個階段他們已經沒有預算可以用，面對自己隻狗吃3年也吃不完的存貨，兩人的關係並不太好……
以上情況似曾相識，好可能係一部份網店的寫照，
- 用左幾萬蚊、幾個月時間建立網站後冇人去你個網站嗎?
- 你已經做晒所有可以做既野，包括SEO，Facebook 廣告，但始終沒有穏定人流去你的網站?
我都曾經在以上某一個階段，無力感好重，做什麼都冇效果，買過好多冇用的課程，用過好多聲稱可以自動增加人流的工具，用過兩萬幾跟所謂的網絡教練，每個星期有一小時coaching (凌晨5點 coach)，結果都是白俾!
冇人流，冇生意!
直至……我學到一個道理，這個道理令小弟的生意改善左好多，亦令小弟朋友可以賣晒所有存貨!
你有興趣知道嗎? 知道這個道理後，你知話: “下! 咁簡單?”
但佢的確令小弟朋友的網站由每日百幾個Visitor升左十幾倍，到1200人
這個道理不難掌握，但係好多人忽略左，或根本係完全另一個新思維，知道這個道理後，基本上無論你推廣任何產品或網站，你都會有足夠讀者群……沒有網站是推廣不到的!!!這個道理是怎麼一回事呢?
一個懶洋洋的下午，小弟正好吃完午飯，打算去百佳買零食回家吃，當然少不了小弟最愛的維他檸檬茶 (我知唔健康)，但真係有條癮，去到買飲品的地方，發覺有好多產品，什麼雀巢，陽光乜都有……這個很常見吧?
百佳就是買這些東西，價錢較平的地方吧!
你問下邊一個師奶唔識百佳，係百佳唔係Taste，10個有9個半都知吧!
你有冇看過維他有專門店?
有沒有見過維他或陽光像Starbucks般，在商場中有放幾張枱給人慢慢嘆檸檬茶 ? 又或見到保險經紀攞住包檸茶同個客人傾保單?
這個問題令我思考了一段時間，結論係維他知道自己能製造好的產品，但係未必在行吸引人流 (開店)
佢要用槓桿，用百佳的槓桿，即係俾上架費，係百佳度賣!
大家悟出道理了吧?!
槓桿??!! (鬼唔知阿爸係男人，人死不能復生?) 同推廣網站有什麼關係!?! 講左咁耐都未中point!!! 我只係想大家記得個概念，及點解會有呢個概念!
與其諗方法產生人流，不如騎劫別人的人流!!!
騎劫不是太正面，或者可以叫搭順風車，點做? (我知你會咁問?)
回應開首的故事，窮得只剩下一個腦 (人腦與電腦)，一對手，還可以做什麼?
你可以選擇寫blog! 乜話? 講咁耐叫我寫blog?
冷靜，點解寫blog我唔解釋，重點係你點將你個blog的內容宣傳出去!
Is Time to Steal People Traffic!
由於這個網誌的讀者大部份都是香港人，以下是小弟在香港會用的手法，其實簡單一個字: 複製
我們找到一些在香港有一定人流的網站，最重要的是這些網站自己還不停做宣傳，他們也正正推廣自己的網站，有什麼好過別人俾錢賣廣告推銷你呢?
你只要將你的內容貼過去便可以了! (就算去到2016都係用內容行銷)
不信?
以下是小弟之前寫的文章的轉貼
短短兩天已經有接近1800人睇過，再加17個LIKE，重點係完全免費，你的網站兩天有這個流量嗎?
以下介紹的網站有些人流KEEP住在20000+ 以上，那你下一步要做什麼呢?
- 申請晒以下所有網站網誌戶口
- 寫一篇資料性強的文章 (唔好賣野)
- 然後將內容複製過去
- 最後，加入自己網站連結
Weshare – http://weshare.com.hk/
Weshare 本身是一個免費平台，內容較為大眾化。
Weshare 本身已經在不同平台賣廣告，再加上本身的閲讀群，好容易就已經有一定流量。小弟亦收過其編輯通知把小弟的文章放上首頁。最重要的是香港YAHOO會收錄部份文章在其首頁，人流可以去到8000/日。
Fanpiece.com
Fanpiece.com 相信是其中一間好積極在Facebook落廣告的公司，同Weshare一樣，文章亦有機會在香港雅虎首頁出現。
這篇文章在幾天內有超過1萬3千人瀏覽，文章是賣午餐工具，你可以想像如果Google Adwords 是每點擊 $1，這會花了你多少錢? 而這是完全免費的。
SHE.COM
SHE.COM有個網誌平台，對像當然是女性，與其在討論區留言，不如把內容放在這裡。
當然，還有其他平台，如Blogcity，Tumblr 等，有時間的話不妨再散佈落這些地方。
還有一點，如果大家對SEO有認識的話，這些網誌的連結對網站排名有一點幫助的。
2020年3月更新
這個方法可以令你把內容分散到不同的 Blog，但若想放到不同社交平台，則還要注重不同平台的文化及言語，有興趣了解我在說什麼的朋友不妨一讀。
1 分鐘讓我說服你
Estee Lauder 創辦人曾經講過﹕「我人生從來沒有一天工作不做行銷，如果我相信一件事，我會推銷它，而且我會努力推銷。」 我深信 SEO 可以為你公司帶來正回報，一定有把它納入你的行銷策略之一 !
