如何選擇網頁寄存WEB HOSTING?

0

揀Hosting真係一個藝術,小弟最少用過6間hosting公司,真係體會到Hosting公司的分別。

好多人都會鐘意用免費編輯器或網站製作服務,因為真係好方便,所有Template 有晒,仲有唔洗理伺服器咁煩的技術野。有利必然有弊,由於你控制不了伺服器,如果它們宣佈不再提供服務的話(情形就如當年的 Yahoo blog),你能做的只有搬家、放棄或輕哼

如今這算甚麼 我是否這麼討厭 只知道付出 以後都不知怎算

小弟亦試過一次,因為伺服器不是你的,佢只要一句話你個blog 的內容唔合規格,你個戶口可以隨時被凍結。

情形就好似大家去街場籃球場打波的時候,你打到興起,突然個個人同你講﹕我要走啦,要攞番個波

basketball-hoop-463458_640即時你可以做什麼?

  1. 唔理佢,繼續打
  2. 叫佢一齊打,唔好走住
  3. 俾番個波佢,跟住灰左

我唔知你會點做,但絕大部份有人性的人都會俾番個波人,

另一個問題可能就是廣告問題了,好多免費平台都會放置廣告在你的網誌或網站內,令到訪客看得不爽,令人覺得十分不專業。

所以,如果真係認真做生意,一定要有自己的HOSTING,況且現在HOSTING亦便宜,不要慳個少少錢。


如何選擇網頁寄存公司?

等待時間小弟現在用的是 Blue Host,因為係我用過之中支援是最好的。(但其實現在Bluehost服務質素亦下降了)。選擇hosting最重要的是支援及反應時間,基本上大型的hosting公司現在已經有24小時支援了。

小弟用過本地兩間寄存公司,有兩個問題可能各位要注要﹕

  • 你要了解建立網站的語言是否支援 (筆者試過本地伺服器不支援兩個版本前的Wordpress)
  • 本地技術支援是否足夠

由於網站扮演的角色越來越重要,可能涉及登記、銷售或服務本身,如果唔可以即時救駕,後果可以好災難性。選擇寄存公司時也要留意你的網站目標訪客地理位置,理論上越近越好,因為網站的loading時間可能會節省了不少,對SEO有一定幫助。(現在多了CDN 及 Google Search Console,這個問題可略為消減了一點。)

有國內客人問,打算賣東西給美國及歐洲地區,那應該那樣選擇呢?

用回第一原則,越近訪客越好,你可能會發覺你維護網站(可能透過VPN)的時間要等耐一點(假設你用美國的服務),但對SEO效果及訪客經驗會最好。如有興趣知道網站速度對SEO的影響,可看以下文章

一開始時,各位只要選用Share Hosting便可以了,既可省錢,又可以了解如何運作。(現在的Hosting介意其實已經好人性化,不用擔心好IT)

Bluehost 網頁寄存

我以Bluehost為例,其實中間個plan都唔會超過100蚊港幣一個月。唯一要注意的是Bandwidth,有部份香港Hosting公司會設定上限,如果你流量太大便會被暫停運作,逼你Upgrade,否則不會重開網站。

以下是小弟對Hosting公司的評語,冇收廣告錢,絕不客觀﹕

Host The Name (美國)

價錢平,應該係我用過最平的Hosting,相信是大型HOSTING公司的 RESELLER,基本上零服務,回覆時間最少一天

Bluehost (美國)

網速穏定,暫時中規中矩,有即時通話 (等待時間可長可短),簡單的問題,客服可以幫到少少,但客服質素參差,小弟試過同一問題,遇過4個不同的答案。

Hostgator (美國)

網速穏定,技術人員跟Bluehost差不多,都可以一試。

由於外國好多Hosting公司都外判客服到印度,你要有心理準備就算通話都未必解決到你的問題,以我的經驗,一覺得客服幫唔到手,我就會叫佢 Escalate 個case去佢個上司,唔好等。

Hosting Speed (香港)

要留意網站兼容問題,雖未有即時支援,通常一日有回覆。

PBN Hosting

(不知道什麼是 PBN 可以忽略以下內容) 如果各位打算用這些公司做 PBN的話,其實是可以的,但一定要叫佢分散你的IP,否則出事機會好高。

倘若各位不想睇字,不妨用少少時間理解下點解 Hosting 好重要啦!

 

 

 

 

Save

Save

Save

Save

Share.

About Author

Start Up Founder, Blogger. Passionate in reading all the story about Startups, Online Marketing. Hope to do something to the world and make a difference to other people live. My Motto "If things are not failing, you are not innovative enough"

Comments are closed.