開網店的一些分享

0

其實我一向冇乜耐性,但偏偏做的工作就係其中一種要耐性的工作 – SEO,冇番幾個月時間,根本好難睇到結果。我地暫時只係用SEO,文章分享及少少的Facebook Post去推(其實我地都有存貨壓力),所以人流上升速度不算好多,但穏步上揚。

在這個自媒體時代,你得用一個經營雜誌的態度經營你的推廣。你會否買一本只有廣告的雜誌呢? 我絕對不會! 你要有內容! 係有趣有價值的內容!

要話俾人知你賣緊乜

原來開左Online Shop三個月,身邊的朋友仲未知我賣緊乜,如果連佢地都知,又點叫陌生人信任你呢? 當然你係Facebook度同人講自己開左間Online Shop係可行的,但感覺會好Hardsell,情形等同你係街邊叫人買保險,不妨用少少創意,自己試過用以下方法賣野﹕

selling最重要的係叫你的朋友幫手及參與,不要叫人「買啦」「買啦」!

Feedback

客人的回應好重要,只有這樣,我地先知道乜野貨賣得,乜野貨唔賣得。我地試過為左攞客戶的真實體驗,叫佢映住佢通塞左既渠,真係隔住個Mon都聞到陣味!

(以下內容可能令人反感,慎入)

最有說服力的往往係真實用家Feedback,我地都有部份產品需要真實產品評價,如果各位有時間,不妨聯絡交流一下。

Online最令人卻步的地方係唔安全,唔知賣家係邊個,所以可以的話盡量透明資訊,我地自己做到連樣都出埋是有原因的。(我地已經拍左不少短片是有原因的)

Online To Offline

為左短時間提高信賴度,如果可以的話,不妨擺下Booth,當然這有一定的預算要花 (老實說,我地擺Booth成績也不能說是好),但可以映相證明各位的Online Shop真係一間真正的公司,客戶買野時信心也會大一點。

 

Whatsapps

智能電話世代,依家D人可能打過電話都會覺得煩,所以Whatsapps係我地同客戶最近接觸點,雖然效果未算好好,但可以令我地更了解個客想要乜。

筆耕

呢個年代廣告效用已經大不如前,如果要人逗留係一個網站耐一點,需要的係跟讀者建立關係,最直接的就係寫同客戶群有關聯或關心的話題。

我地自己寫左個BLOG,不停測試邊類文章最受讀者歡迎,由小甜故事,專業產品分享及完全同產品冇關係的文章都有寫過。流量係保持上升的勢頭,更重要的一點係部份文章更被Yahoo首頁取錄,當中有少少訣竅,有興趣Email我,交流一下。

traffic

清死貨

有時你根本唔知夠竟係D貨唔賣得,定係價錢太貴,你唯有不斷測試不同的考量因素才可能找出關鍵點!

價值

賣一件貨點解可以賣得貴過人? 因為有附加價值,有什麼方法可以係不減價的情況下,提高產品在消費者眼中的價值呢?

我地其中一件產品通渠貼,增值服務包括我地自己親身上去幫手通渠,為左一盆生意,你可以去到幾盡?

除左希望訪客買野,令一個我地想做到的(不能講係使命),就是訪客睇完我地寫的文章或短片可以一刻放鬆時刻。

Cashflow

入左貨,最重要係賣出產品,心裏你可能會同自己講有貨可以留係倉,之後再賣,但這只係令自己感覺舒服一點的大話。衰D講句,你終究唔肯承認自己的貨賣唔出。

最重要的是保有流動現金,當你揾到有機會爆出來的產品,就要亳不猶豫大手買入。

以上只係小弟近3個月的總結,我都未摸到真正的訣竅,短時間希望再有新發現!

1分鐘讓我說服你做 SEO

Estee Lauder 創辦人曾經講過﹕「我人生從來沒有一天工作不做行銷,如果我相信一件事,我會推銷它,而且我會努力推銷。」 我深信 SEO 可以為你公司帶來正回報,一定有把它納入你的行銷策略之一 !

SEO、網店行銷⋯找不到想看的文章?

到我的SEO知識整理目錄看看吧!

Share.

About Author

熱愛研究網路行銷、網賺了7年,開辦了首個收費廣東話 SEO 課程。現專注研究搜尋引擎優化! 深信 BE FAST or Be LAST,故是狂野時速粉 !

Comments are closed.

與我聯絡
Call Now Button> 按下立即致電查詢 <