Openrice Hong Kong食評堅定流?

2

Openrice Hong Kong 大家都知係乜,但後面的一班食家又係乜野人呢?

昨晚應邀出席一項試食活動,席間除左小弟以外,全部都係在Openrice極紅的食評人,如果大家有去開Openrice的話,都會知道有一個食家排行榜,昨晚認識的都係榜上排名頗前的食家!

openrice

好多人都會參考食物排行榜的推介

以前小弟有客人揾過公關公司幫手揾食家寫食評,我一向都認為是打手居多,直至昨天我改變了諗法!  還記得有朋友告訴過小弟請佢地寫一篇食評價錢由500 至1500不等,不過我可以話你知呢D錢唔係食家賺的!

食家也可以說無分職業,無分年齡,有90後,亦有70後,其中一位食家M先生,說堅持說實話的重要性,除了映相,只見佢認真的寫下每道菜的感受,製作過程,味道等等,然後逐一品評,有唔好的真係唔會俾面!  好多Openrice食家都會有自己的族群,好多時都一呼百應。

另一位食物 S小姐透露,其實佢地都會避重就輕,如果食物真係唔好食,但係又係受邀出席,可行的做法就係選擇性地介紹食品。

身邊的另一位食家講過曾有公關叫佢地唔好寫劣評,但係佢拒絕,並冇俾面公關,小弟對此係十分欣賞的,原本兩小時的試食最後用了差不多3個半小時才完成,完成後我問M先生的行程,他說每星期都最少有一至兩次邀請出席試食,真係恨死為食的朋友!

為了保持中立,M先生說他所認識的資深食家都係冇收錢,因為佢地唔係打手!所以如果各位開左間新餐廳,又真係對自己餐廳有信心的話,絕對可以試邀請他們!

其實Openrice把關越來越好,基本上是受邀請的,它們亦會要求食家清楚列明。知道部份公關公司為了不令Openrice起疑均會要求食家分階段上載食評,,又或上載至食物自己本身的網誌,揾食真難。

試食活動收費

據我了解,通常公關公司都會有一個固定的價錢,如 XXX錢有5個食家,XXX錢有10個食家等,人數視各位所需,各位最好先問問受邀食家的等級。

給食家點菜的預算?

以我所知有兩個做法﹕

  • 餐廳主人自己決定菜式
  • 餐廳主人給予食家一個額 (BUDGET),由他們自己決定

小弟建議後者,因為每位食家的口味習慣不同,其實最終只要食家食得開心,你的食評也不會差得去邊。當然啦,如果你的餐廳偏遠,如澳門,船票是由餐廳負責的。

手*Save

Save

Share.

About Author

Start Up Founder, Blogger. Passionate in reading all the story about Startups, Online Marketing. Hope to do something to the world and make a difference to other people live. My Motto "If things are not failing, you are not innovative enough"

2 Comments