Local SEO tips -怎樣稱霸中環的通渠服務?!

得到青雲路的訪問後,小弟的網站流量提高了不少,真的十分感謝寫得好好的記者Manson及好好的客人Franco。

同一時間,我亦收到了不少關於Internet Marketing, SEO的問題,熟悉小弟的朋友應該知道小弟係以懶見稱,所以仲未覆你,是十分正常的,請原諒小弟。

小弟一向用開的Build My Rank受到嚴重打擊,有幾大獲?

(就我所知,ALN亦受到程度不少的影響)近來 Google 好積極打擊 Blog Network (Blog Network 簡單來說就是有一個人或公司擁有很多的網站,我們可以加內容落去,再加link連去想提升排名的網站!

由於很多網站也有不錯的PR,這些連結有助提升排名,所以一路以黎呢D Network都係十分受做SEO的人歡迎)

嚴重到要關閉整個Network,仲要逐個客退款…

不幸的是我有客人用他們的,結果當然是排名下跌,如果你係其中之一,我只能說「十分抱歉」

如果你發覺自己網站真係出左事,不用慌,不是世界沒日,只管每日自然的建立backlink就可以,你會看到改善!

如果一路有留意小弟的網站,你會發覺右手邊底部多左D野,分別係Google Map, 營業時間, 地址等等!

好坦白的,你永遠冇可能可以在早上11點找到我的,這樣做的目的只是想討好Google 罷了!

以下內容係針對那些想用「地區做SEO」 – local SEO 的網友的 (友人Clara 看完我的文章說像外星文般,太深了,所以我盡可能用簡單的文字解釋!!!)

地區做SEO係乜意思?

簡單來說,你可想像自己係開戲院的,你勁到係想稱霸19區的,但凡所有人在Google度搜尋 「xx戲院」 (旺角戲院,中環戲院,大帽山戲院……..) 都揾到你個網站,你便要好好運用。

Google排名的其中一個原理係根據User的ip (ip 簡單講就像電腦的地址,再簡單講即係Google知你大概住係邊,如果你住大埔,Google憑ip 就知你係大埔人,你的搜尋結果便會出現很多同大埔有關的結果)

以下只是例子去解釋…

如果你住將軍澳,又搜尋戲院的話,理論上Google會俾最近你ip的結果,亦即將軍澳的戲院網站,

如果你住天后,又搜尋戲院,Google好大機會有不一樣的結果,銅鑼灣的戲院網站可能會出現……

那Local SEO對你有什麼用途呢?

倘若你是通渠專家,你有方法通接近化石的渠,你知道中環人係最唔識通渠,你想接晒所有生意做的話,當住在中環的人塞屎渠,佢地一SEARCH 揾「通渠佬」,你的網站便會出現。

如果你的網站可以話到俾Google 聽你的通渠服務是在中環,第一個搜尋結果自然搜到你,但係點做到呢?

近來Google, Bing 及 Yahoo 共同製作了一個叫 Schema Dot Org (你唔洗知係乜,因為我都唔係好知)

最簡單的就是 Google 透過Schema Dot Org 內裏看到有些叫 Micro Data的東西,

呢d micro data 就會話到俾Google 聽你個網站內容主要是什麼!

如果你要做中環最強通渠你只能跟住做!!!

我不想說得太複雜,最簡單的就是加Business Name,Google Map,公司地址, 辦公時間等等

有人問是否放這些資料在首頁效果最好,我的答案是: 一定是

今天所有能源用盡,下一篇會再詳談!!!

 

Ringo
Professional SEO consultant and internet marketer, visit our seo facebook page

From: Ringo

Hi ! Good To See You!我給予最衷心的感謝! 小弟在這個行業已經4年,基本上所有可以犯的錯已經犯過,寫的全部都係實戰經驗。 由於小弟不懂排版,所以分類比較混亂,大家可能要花少少時間揾要睇的內容。

希望提供的內容能夠幫到大家的生意! 如果睇完對你有幫助,記住LIKE 我地個Page!

俾生意小弟熱線: 2876 2875

 

我們也有提供一系列的Online Marketing的服務! 有興趣可聯絡我!  

 


chat ringoli1984