About

「你是做什麼的?」

這個悶到嘔的社交問題有時令我好困擾,因為我都不懂如何回應。

我好想講自己係一個文字工作者,因為文人俾人的感覺好一點,就算偽文青都係文,想做KOL又未做到,我只係一個冇人留意的blogger。我想講自己係一個企業家,但我眼中的企業家係Richard Branson,Elon Musk那些改變世界的人。唯一真正的成就可能就係中學做過班長,映班相真係座係老師隔離,按此推論,我極有可能成為署長!

我的世界是一個不確定的世界,一個不完全妥協的世界,一個人生不只有一條路的世界。我係Ringo,一個80後,一個廢中青,一個在香港環境中苦苦掙扎了6年的創業家!

仲有一個身份,葉朗程口中的 「private equity 嘅 partner」,從文中出現的人物,佢應該同我幾熟,不過我未知他是誰! (詳文在此)

最新更新﹕二零一六年三月,終於在Capital Weekly有個專欄仔,完左文字夢!


我的哲學

哲學好似太誇張,但這就是我的人生觀﹕

  1. 永遠不要活在別人的期望或預期之下(唔好介意人地點睇你)
  2. 人生苦短,何苦委屈
  3. 得失只一念,風景不轉心景轉 (冇錯,係劉德華歌詞)
  4. 唔好怕樣衰,唔好怕尷尬,其實冇乜人真係好在意你
  5. 幫助別人成功,會令自己更成功
  6. 每個人都應該有自己的舞台,不是踏進別人的舞台
  7. 要成就一件事,除了人,運氣也有一部份
  8. 如果身邊的人好煩,我情願一個人

第一點真係好難,我還在學習中。由細到大,社會灌輸我們應該點做,應該點行,只要跟住做,就會得到獎勵或讚美,往後也就認為這是「對」的,從來沒有質疑這個「對」究竟是否所有人也適用。不斷的反思,我發覺講這個所謂的「對」的人的現實,但也不一定是我的現實。

創業某程度上真係走在鋼綫上,有時你真係唔知下一日,下一個月的情況,絕對會有恐懼的感覺。試過只能去有八達通收錢的餐廳食飯,因為所有現金已經用完,八達通就是餘下的財富。不安全感真係會令你食唔安瞓唔落,這時可以做的也可能只有盼望一切安好,或祈禱,這種感覺一點也不好受。當你其實唔係好掂的時候,為了令身邊人不要擔心,要扮到冇事,更甚要扮到成功真的一點也不容易。猶幸,算是捱過了最艱難的日子,對現在擁有的非常感恩。

 

 

 


我的工作

"Wantrepreneur" or "Entrepreneur"?

近來經常聽到身邊朋友要搞D野,當然指的係做生意或創業,但十居其九都係停留係諗的階段,慶幸自己有不俗的行動力,成功及失敗的例子都紀錄在這個網誌裏......

好多企業家或創業家都打造到自己天下無敵,聰穎過人,可能這是事實,也可能掩蓋了某些部份,讓我先算失敗或暫時未成功的一部份﹕

Hangouter Club

這個試驗其實想將Big Boys Club變成網上版本,原意係想跟幾位拍檔每日分享生活鎖事或趣事吸引人流,以吸引廣告商。經過大概3個月約80集的節目,因為自己失去了團火,結果沒有繼續落去。

每日去堅持做節目絕不容易,要搜集資料又要有趣地分享更是一件難事,在此向兩位主持,Karl 及 Kirk致意衷心的感謝,雖然節目停左,但回憶絕不會消失。(Hangouter Club)

 

教練

其實真的沒有想過會有人叫我做導師,然後更有學生由馬來西亞飛來香港作1對1指導。得到信任當然開心,最重要的是教你的東西可以實行。

專欄作家

呢個身份其實小弟一路都好想有,因為文人感覺好好多。但做文人是要付出付價的,就是要交稿,終於明白點解前輩講「爬格仔」並不是一件易事。最難的不是搵題材,最難的是把題才寫出來,睇開小弟網誌的朋友都知道小弟中文水平如何,不能用口語......媽....

專欄在Captial Weekly,要多支持喔!

Owlish Online Limited

我亦不太定義佢係一間Digital Agency,現在舉凡做網上推廣的都叫Digital Agency,這個市場很大競爭,要生存一點也簡單。本來的策略係跟客人直接聯絡,現在的策略是跟大型Agency,公關公司及市場推廣公司合作。為左突出自己,專注SEO,網絡打手及正在發展網絡公關的部份。

「網絡公關」這個較為新一點的行業也不是易做,世界知名的 brand.com亦宣佈退出這個市場,而我亦曾經受騙損失了金錢。如果之前有睇過我的文章,都知我經常「中招」,成為專家其實唔難,中多幾次招就可以了。

大家知唔知 Owlish 點解?

Owl 即係貓頭鷹,原意係想講我地會日以繼夜幫你推廣你的生意,但你都知冇可能的吧! 所以有客曾經凌晨1點打黎我地係唔會聽的。至於 Owlish的 lish 係乜意思呢? 只係我同拍檔覺得 Owl 好難發音又難記,所以想好似Childish......

Owlish People Management

由原本十幾人的公司擴展到130+人的公司,這個過程充滿挑戰性。多得幾位拍檔支持,公司才得以運作正常。這是一間提供兼職工作人員的公司,即係所謂賣人頭的公司。因為同事絕大部份都係90後,令我呢個叔叔比起同輩更後生 >< (當然係思想上)。令我最自豪的是產生了一種文化,由於沒有資歷深厚員工,這些後生仔可以發展他們的管理技巧。

最新的項目包括香港摩天輪,如果各位有興趣揾Partime幫手,不坊揾我聯絡一下。


Coming Soon...

因為接觸90後的時間多左,你會發覺其實好多90後才華洋溢,有說Native西班牙文,有讀傳理,有設計師,更有人識希伯來文。我認為幫我打工十分浪費,所以好想好好運用他們的才華,以下是其中正進行的Project