迷你倉 X 內容行銷

0

前幾日在<<網絡行銷玩家>>裏見到迷你倉腦細分享做SEO時關鍵字的季節性,例如冬天會多左人用「夏天衫儲存」,夏天又會多人用「冬天衫儲存」,非常有趣。我唔識時生,純粹喺網上互相Comment下,好奇走去Google睇下時昌表現,其實正路的關鍵字都已經做得7788,排名也相當不俗。

所以今次講內容行銷,即如果我是迷你倉老闆,我會做或寫什麼內容去吸引觀眾呢? (先聲明,我自己冇用,純粹幫過朋友搬貨入倉,所以唔算太過熟,講錯左記住提提我。)

以下是事實

  • 迷你倉好難好感性寫故事
  • 迷你倉沒有什麼科研成果可以教育消費者
  • 迷你倉比較悶

由於有迷你倉經常揾個鬼佬出黎大叫自己電話號碼,我諗大眾對該迷你倉感覺應該算係跳皮搞鬼,目標對像應該係25 – 50。所以可以寫好多搞笑輕鬆的題材。我會用搞笑貫穿整個內容,腦裏即時想到的有恐怖電影 X 迷你倉。

  • 首先我諗到恐懼鬥室,其實迷你倉的間格可以有好多機關,因為地方大的關係,我會先寫迷你倉的版圖,然後寫Jigsaw點樣在這個版圖設陷阱。(目的係帶出迷你倉的空間)
  • 然後我會諗萬一被困迷你倉,咁啱工作人員又消失左,點樣用一包餅,一支水過3日,喺迷你倉可以點樣打發時間。
  • 另一個我會寫的可能係講迷你倉的科研、設計,我會講迷你倉的空氣成份,幾多 % 係氧,幾多%係二氧化碳……重點係去完心礦心怡,然後再講設計,係用左歐幾里得幾何原理係設計,即係點解要全部四四方方,而唔係三尖八角。(其實係人都知要慳位)
  • 分手的憤場,人總係有好多野唔可以俾各位的伴侶知,唔通你同ex d親密照都放喺屋企咩,我會寫好幾項經常收到的物品,做個統計,然後寫一篇﹕xx迷你倉特約: 3件令你男女朋友永遠捨不得掉的禮物
  • 既然寫開數據,我會發表一份好似好有研究的報告,詳細列明那個地區最多女仕用迷你倉,那個時段最多女仕會擺放物件。然後,你懂的……
  • 然後,我會再出一篇生肖、星座最啱用邊區迷你倉,點貨點擺有助運勢,什麼吉時放貨入倉會帶來好運。

PLAN

以上只是忽發奇想,真正大公司的內容行銷策略遠比我寫的複雜。但可以參考以下步驟去計劃你的行銷計劃﹕

  • 目標設計
  • 認清目標對像
  • 內容設計
  • 發佈時間編排
  • 設定KPI及檢討

目標設計

「目標引導你走向對你有利的改變方向。」 Brian Tracy

究竟你做Content Marketing是什麼原因呢?

教育潛在顧客? 加強品牌知名度? 成為意見領袖?

內容行銷基本上都是集客的一種手段,更重要的是同群眾建立關係,這個原理跟電郵行銷一樣,重點不是有多少個電郵,重點是你跟電郵擁有者的關係。

每個目標都會導致不同的寫作方向,有時可以幾個目標一齊做,但最少要有一個方向,你先容易引導讀者走去你想要的方向。個人而言,教學文對筆者效果最好。

認清目標對像

舉個例子,如果你賣老人紙尿片,你應該寫俾老人家睇,定寫俾他們的子女睇?

雖然講要留意最終消費者,但有些行業不能用同一邏輯

鑽石介子你說要sell俾邊個?
老公定老婆?

人生…..

內容設計

如果能清楚定義上面 2 點,應該可以寫到部份內容。最好在開始寫作前先在網上揾下是否已經有人就同一主題寫下內容。如果已經有人寫過,你自己是否有一套你的獨立觀點呢?

我聽過最好的一句話是﹕

故事可能千篇一律,但講故事的方法可以好唔同!

如果你的內容一樣,但你表達的方式有趣,可以令人睇落去,其實已然叫做成功了。

另一個方法就是自己靜靜地坐下,寫下客戶最可能遇到的 50 個問題,最佳的內容策略往往就是解決客戶問題。

發佈時間編排

我本身沒有做好時間編排工作,導致有時出文比較多,有時又會比較少,訪客可能要間歇進入我的網站才知道是否有任何更新。正確的做法應該是預早計劃那個時段發文。訪客是有期望值的,緊記不能次次都令訪客失望。

設定KPI及檢討

絕大部份 Google Analytic的數據都可以作為數據,小弟自己網站最近專注於 bounce rate 及訪客逗留時間。主要原因是我發覺平均逗留時間越耐,直接影響轉換率。其實也不難理解,訪客逗溜時越長,Page/sessions 會越高,自然對小弟服務或產品更信任。

其他指標包括﹕分享數、回訪數、sessions

那個平台?

有沒有發覺我沒有講用那個平台最好呢? 每個平台都有它的目標客群,好難一概而論,唯一建議就是先集中在一個平台,像小弟多數靠文字,個樣算靚仔得唔太明顯個種,靠BLOG對我效果最好。

P.S 希望迷你倉唔會反感,反感……都冇辦法。

Save

Save

Save

Summary
迷你倉的內容行銷
Article Name
迷你倉的內容行銷
Description
究竟你做Content Marketing是什麼原因呢? 教育潛在顧客? 加強品牌知名度? 成為意見領袖? 內容行銷基本上都是集客的一種手段,更重要的是同群眾建立關係,這個原理跟電郵行銷一樣,重點不是有多少個電郵,重點是你跟電郵擁有者的關係。
Author
Publisher Name
Owlish Online Limited
Publisher Logo
Share.

About Author

Start Up Founder, Blogger. Passionate in reading all the story about Startups, Online Marketing. Hope to do something to the world and make a difference to other people live. My Motto "If things are not failing, you are not innovative enough"

Comments are closed.