一個做了網賺6年的自白

0

「如果重新走一次,我都不能預計自己會否走同一條路……」

望一望床頭個鐘,不經不覺已經凌晨 3 點,我眼光光訓喺自己張床度,不知不覺地望住個天花板望左成3個幾鐘…..

夜闌人靜既晚上,屋企人已經瞓晒,我喺度諗點樣可以賺到錢……但似乎哩個問題未解決到,我都難以入睡……

再諗諗而家自己既財務狀況,真係愁上加愁。銀行存款一早清晒,可look既信用卡都look爆晒,基本上可用既錢已經用晒……

「你話正常人點可以訓得著,點解我會落得如此下場?」這只是發生在 3年幾前

故事的起源要數到2000年,果陣我得16歲住公屋,讀書成績都算唔錯既,好明確地知道自己唔太鐘意讀書,但我知唔讀書就要即時出黎做野; 為左唔咁早出黎做野,我唯有拼命都要上到中六七,但內心對「錢」既興趣其實遠大於讀書學習。

那年<<富爸爸 窮爸爸>>哩本書風靡全球大小書店,鍾意去打下書釘扮下文人既我好奇心驅使下便買左本返屋企睇下。睇完哩本書後,上左癮買埋同一系列其他書去睇,你問返我當時讀 7本<<富爸爸>>系列多定A-LEVEL多,我都唔知點答你。最後好好彩咁勉強入到大學,但讀果科都幾肯定唔會係自己將來要行既路。

如果各位有睇過富爸爸系列都應該對ESBI四個矩陣有少許認識,睇哩一段果陣我都唔敢講我完全明白,但一句: ” MONEY Should be WORKING FOR YOU” ; 一定要有財務自由,不為錢打工,所以好容易就認定自己一定要做B,即係企業家或企業擁有。

睇完呢本書覺得呢個世界充滿希望,我要跟住哩本書去做: 就是建立資產,擁有被動收入,只要跟著做,財務自由應該不遠矣。

<<富爸爸>>講過所有領導人都要懂得推銷,於是我諗都唔諗做去搵推銷員工。我本身面皮唔算厚,性格又唔叫得上外向,仲有對推銷工作一向感覺都唔多好,平日見開D新聞成日都有報導: 保險/基金推銷員如何呃D無知婦孺買佢地D貨,形象都幾負面下架~ 仲有當時剛剛入大學,心態上覺得大學生應該是做管理,坐Office~ 睇返入行要求: 推銷員:中三畢業以上,咁即係阿豬阿狗都入得行喇,唔係要我去做丫?

之不過講到尾係怕被人拒絕,礙於面子問題,的確十分猶疑,但<<富爸爸>>入面講過: 所有領導人都係一個偉大的推銷員,亦要勇於接受被拒絕,於是真係硬住頭皮走去應徵做推廣員。

過左咁多年,我仲好記得第一日番工喺深水埗賣手提電話,就係企喺鴨寮街某一間好殘好霉既電話舖,有一刻真係好驚撞到熟人,尤其係朋友,如果真係撞到,我諗我真係會不顧一切咁調頭走。

你話我仲點會連主動走去搵客人問佢地: “想要D咩丫,有咩可以幫到你?” 但奈何唔做就俾老闆捽,再無生意返就俾人小; 如果我問你俾人小定俾客仔拒絕,你會揀咩?

於是我就硬著頭皮獻出我既第一次=主動出擊去sell客。對住D手機資料,一見到客行埋黎起勢咁對住佢地讀,好似念波野波羅密心經咁幫佢地超渡,講到自己都唔知自己講乜。亦可能因為念經念得多,拜得神多自得神庇佑既緣故,最終果日俾我賣到兩部手機咁大把。

經過哩個Part-time既工作經歷,令我知道工字不出頭,更加鞏固我做企業家發達大計既決心。我唯有一味睇書去追夢,由我初初對做生意一d概念都無,漸漸地明白大部份傳統生意的起步都需要資金,像我哩種月光族 (其實我唔算大洗,只係返兼職既錢,只能夠維持大學生活開支,仲邊有多餘錢儲蓄丫~) 根本無可能係短期內集到足夠資金去創業。

無錢創業,唯有試下學下d大學同學仔買下股票。一買一賣即日鮮玩左一陣,本身對數字又唔係特別敏感既我發覺自己真係投入唔到; 我又無太多心機去研究d投票新聞,又唔太鍾意好被動咁等d股票慢慢咁升,可操控既地方著實太少,所以我玩左無耐連股票account都停埋~ 值得慶幸既係我無損手爛腳咁離場,但講到尾佢幫唔到我原先想搵既創業資本。所以畢業後,我都係穩打穩紮咁搵份工,傻傻更更咁去左電訊公司做客戶經理,其實咪又係做銷售員,只不過今次著西裝,好似威d咁囉。

一做就做左3年,由雄心壯志搵快錢做生意,點知越做越唔對路,錢又揾得唔多,做既野好似copy & paste咁千篇一律,越做越Hea,做到無晒鬥志,企業家既夢黎我越來越遠~正當我好徬徨唔知點算既之際,可能真係命運既安排,一日返工吞pork既時候行過一間書局,俾我見到一本叫作<<一周工作4小時,晉身新富貴族>>書。淨係睇個書名: 一星期返4個鐘可以富貴,都已經吸引我所有既注意力,我即刻攞起本書睇成個幾鐘,越睇越興奮,睇到連返公司打卡都差d唔記得,最後當然買埋返屋企慢慢睇喇。

其實本書係講有關於Online Marketing既,當時既我對哩樣野可以話係零知識,極其量只可以講我識Yahoo拍賣,ebay咁多。喺睇哩本書之前真係完全無諗過進入哩個行業,然而從書中唔單止令我了解多左哩個創新既行業,亦令我學會到一個新既概念如下:

除了錢以外,我還要時間!

之後,我不停繼續上網研究搵資料,我察覺到本書讀者群係美國人,所以有部份方法唔太適用於我。我花左好多精神同時間去研究,並發現喺美國上網揾錢的方法係多如繁星,而每個方法都好似好work好揾到錢。就係咁,我就跌跌盪盪咁開始走進哩條不歸路。

我以為自己的企業家之夢重燃,亦以為哩個世界為我而開,其實只是另一個惡夢既開始。

我試左好多唔同既方法: 試過請菲律賓人、印度人幫我工作,試過買好貴的Software,試過花3萬蚊join個Coaching,試過參加香港網絡創業課程,但全部都沒有我預期中賺得好多錢既效果。但我無放棄,仲每月都同自己講﹕「下個月會開始賺錢,今個月只是交交學費遮,下個月……一定可以……」

我仲好記得第一單網上生意是成功賣出 Clickbank既一個產品,教人自製太陽能發電板。我用左足足兩日時間喺網上賣廣告,到最後真係竟然有人買。我以為做生意就係咁易,仲以為自己真係咁有實力,但其實一齊都只係錯覺…..(如果我當初哩單野無成功賣出,可能我一早就已經放棄左~)

結果原來負碌真係無三次,如果我當時仲傻下傻下日日喺度守株待兔以為生意真係會陸續又來,我估我都唔會可以喺度share哩篇文俾大家睇。

生意額根本唔可以用差黎形容,根本係零。哩種生意失敗既感覺,我到左而家都仲好記得。d鬚根好似剃極都仲有,d支出就日日都仲有。我真係好想搵窿捐,唔敢照鏡見到自己,唔敢面對屋企人,更加唔想見到朋友,直頭連街都唔想出。

去到果個moment,我真心想過放棄,雖然好唔甘心……

到左而家我都唔知自己點樣捱過果段日子,自信心跌至人生既谷底,不停不停懷疑自己,望住自己個頹樣真係想嘔。我要擔心自己唔知要捱幾耐之餘,但又唔知點面對屋企人,又唔想令佢地擔心,唯有全日收埋自己喺房,等到屋企人訓晒先行出房門搵野食,個種感覺到左而家都仲記得。至於點解唔想見到朋友,都離不開面皮唔夠厚怕俾朋友笑,眼見朋友順利,人工越來越高; 我就連飯錢都無,真心怕俾人恥笑。

當時真係祈禱又試過,佛牌又帶過,如果當時有人同我講可以「性交轉運」,我堅係會第一時間撲埋去試試,唔係講笑,你地唔會明白果陣有幾咁頹,應該沉左成兩三年。

之後我繼續死做難做,終於有少少起色,係「少少」,但都係唔太掂。而喺哩段日子又俾我明白到哩行真係好奇怪,門檻好低,但要精通及成功又一d都唔易。現在總算掌握了少少,睇我個BLOG就知我點解咁講。雖然好老土好唔型,但都係果句﹕辛勤工作

現在回想起,如果當時可以有人教一教扶一扶我,應該可以走少好多冤枉路,就算錯都唔會錯得太離譜。好可惜哩個世界沒有如果,我也不能省回那三年的時間。

當中,有兩點我想分享一下﹕

  1. Online生意同所有生意一樣,都不要期望立即有回報; 有一個心理準備可能負出左都未必有回報/負出同回報不成正比。
  2. 專注集中好重要。

現在的我需未達到財務自由,但向著目標走的感覺越來越好,實際工作時間越來越少,收入卻越來越多。現在擁有一間 Digital Agency ,一間網店,一個專欄, 一間80位同事的人力資源公司,一本網上雜誌。

有時同朋友食飯,離不開工作的話題﹕

「個阿頭弱智架,係咪都x,人生點解要咁xx9」
「日日都要OT,收工已經8、9點,仲打咩波呀……有時間倒不如訓下覺好過」

當身邊朋友還在為工作及老闆苦惱時,有時會慶幸自己幾年前作的決定。我亦非常感恩。

不能否認「幸運」在我的路上扮演了一個重要的角色。不知道大家有否睇過 Napoleon Hill的 <<思考致富>>,其中有一段是這樣的﹕

” 每一次失敗,每一次逆境都會帶一顆相同份量成功的種子,植在你的心中,終有一天會為你帶來更大的成功。彷彿有個隠型的指導者,但凡有人想成功或得到更多,給予人們種種的困境,若你能通過指導者的考驗,你便能得到更大更多的成功。”

當時,唯一支撐自己的就是上述不停的自我安慰。我不會預期之後的路會順風順水,但最少我相信我有能力跨過。

各位想建立你的網上生意,最好的方法就是揾一個已經成功的人模仿。(我不是叫你跟我學) 講真架,唔係吹水! 你會行少好多冤枉路。與此同時你亦可藉此打好基礎。

我深信每個人都可以做到,如果我都做到,你都唔好再依靠你的老闆,唔好再俾借口你自己,我深信基本上任何只要想學的人都有機會做到,只是你有沒有行動罷了。

現在我的目標是網賺月被動收入 10萬元,現在還在努力進行中。

想像一下,如果你得到財務自由、時間自由,你會做什麼呢?

有人會選擇環遊世界,有人會享受跟家人一起相處更長的時間,但比起享樂我就更想為社會貢獻更多!

剛巧做埋哩個星期就啱啱好兩年,幫左陳校長做免費補習的義師,哩一種滿足感對我黎講比起賺到錢更有意義更為快樂!

以上是我少少的分享,好希望啟發到大家去追夢,爭取原本大家應該有的自由。

有時收到人問我點樣做到,我都好難一言一語解釋,好幾年前我睇到一篇文章 <<真希望我一開始就懂的事-74堂im課>>,對我有好大啟發,有時間不妨一讀!

各位好,我係Ringo,做左網賺超過6年,依家有一間Digital Agency專門幫人做 SEO及建立自動化銷售漏斗。

今日唔係叫你買野…..而係想向你推薦一本你一定要睇的書 (本書仲要免費)

呢本書會教你點樣一步一步建立你的網上生意……

如果你已經試過好多創業方法都揾唔到錢,又苦無其他方法……

你要睇下呢本書……..因為……

富爸爸作者 Robert Kiyosaki 及激勵大師 Tony Robbins 都係用書教的系統設計他們的網上生意……

如果各位有興趣的話,可以到以下網頁了解﹕

我有什麼陰謀嗎?

暫時未有,或者我想你對你信任更加多一點……

之後我可以賣更貴的產品給你……

如果你想有一盆額外收入的生意,又唔知如何埋手的話,你應該最少了解一下……

曾經睇過一項統計﹕

老了,一生最後悔什麼?全球統計前五名

第一名:92%的人後悔年輕時努力不夠導致一事無成
第二名:73%的人後悔在年輕的時候選錯了職業
第三名:62%的人後悔對子女教育不當
第四名:57%的人後悔沒有好好珍惜自己的伴侶
第五名:45%的人後悔沒有善待自己的身體……….

如果各位曾經試過為自己事業努力但未成功,唔好放棄,繼續試……

我不能說自己成功,但叫做一步步向前邁進…….

Share.

About Author

Start Up Founder, Blogger. Passionate in reading all the story about Startups, Online Marketing. Hope to do something to the world and make a difference to other people live. My Motto "If things are not failing, you are not innovative enough"

Comments are closed.